Resensi Maca Buku Geber-geber Hihid Aing

Judul: Geber-geber Hihid Aing

Karya: Wahyu Wibisana

Panerbit: Pelita Masa - Bandung

Taun: 1976

Kandel: 90 kaca

Resensi Maca

Saperti dina sampul bukuna ditulis 'purna drama', ieu buku téh mangrupa kumpulan drama Sunda karya Wahyu Wibisana. Eusina aya 7 carita, kahiji aya Geber-geber hihid aing, ieu ogé nu jadi judul buku. Kadua Budak leutik bisa ngapung, sok sarua jeung rumpaka dina pupuh kinanti. Katilu Sangirik-irik kijing, nu kaopat aya Hiji, dua, tilu.. Gajleng, kalima Seuhah lata-lata, kagenep aya Sakadang ténggék, jeung nu katujuh nyaéta Nini Antéh.

Sabab ieu carita dituliskeunna dina wangun drama, tangtu aya monolog, dialog, jeung atawa unsur-unsur drama. Contona dina carita Geber-geber hihid aing, aya monolog budak lalaki nu keur ngageberan adi awéwéna nyaéta “geber-geber hihid aing, hihid aing kabuyutan, titinggal Nini awaking…” Éta hihid digeberkeun ka adina nu nangkarak geus teu paya lantaran nyasab di leuweung, teu bisa balik. Teuing maot, teuing pingsan. Dina gunemna, tuluy ditembalan rampak sora “kerenyed pingpingna, hirup…”

Dumasar kana eusina, sanajan geus heubeul tapi caritana hadé pisan jeung ieu buku téh bisa dipaké pikeun média pangajaran atawa jadi bahan bacaan kaasup barudak rumaja nu aya di bangku SMP jeung SMA.